جبتلچ عطش مطاره
ودمعت موضع اصاحبی التهد الحیل
جبتلچ ساتر السهران
جبت شاجورنه الفحطان
جبت شوگی
وفرح شعبی واجیت ارکض العمر الباب
اجه التابوت سابگنی بذر حزنه اعله گاع البیت
اذکر عش حمامه اهنا
وسالوفت عشگ واحلام بین الطوفه والمرزاب
اجیت ارکض یعمری اگلیبی صم اتراب
جدمی ایصیح یا طیبه
عینی اتصیح یحبیبه
شفت امی مناره وساجده اعله الگاع
لگیت امی ابجرحهه زارعه النعناع
شفت امی عطفهه منگلب اصفر
لگیت امی ابعمرها امبخره الحرمل
یا شمعت محبه وفرح غبشت عید
اشمن ثوبچ التعبان
ابوسن جدمچ الهلکان
اقبل وجهچ الگاعد ابدربه الیل
یا ورده صبح یحبیبه لا تغفین
أنا مثقف الأهواز
