أنا مثقف الأهواز
الرئيسية » القسم الأدبي » الشعر الشعبي » السکته للعاشگ خسارة/ﺍﺑﻮﺷﺠﺎﻉ ﺍﻟﻄﺮﻓﯽ

السکته للعاشگ خسارة/ﺍﺑﻮﺷﺠﺎﻉ ﺍﻟﻄﺮﻓﯽ

انته ساکت وانه ساکت
والعشگ گب بینه نار
ﺧﻔﻨﻪ ﺗﺬﺑﺤﻨﻪ ﺍﻟﺘﻘﺎﻟﯿﺪ ﺍﻟﻘﺪﯾﻤﻪ
ﺍﻭﺗﺴﻘﻂ ﺍﻟﺴﻤﻌﻪ ﺍﻣﻦ ﻫﻠﻨﻪ
ﺍﻭﺑﺎﭼﺮ ﺍﯾﻠﺤﮕﻬﻪ ﻋﺎﺭ
انه وانته
اثنینه امصدگین چذبه
السکته للعاشگ
ستر لا مو دمار
لقنینه ارواحنه
اوگلنه ابعشگنه .
ﻻﻋﻠﻢ ﻳﺼﻠﺢ ﻧﺮﻓﻌﻪ
ﺍﻭﻻ ﺻﻠﺢ
ﺣﺘﻪ ﺍﻟﺸﻌﺎﺭ
حگنه یحکمنه ال يئس
یطلبنه ثار
خفنه من کلشی اوکلاشی
وتالی شوف اتفرقینه

والضحیه؟

الضحیه الشوگ صار
ﺍﻟﺸﻮﮒ ﻳﺎ ﺍﻛﺒﺮ فقیر
اویا ﺷﻌﺐ
ﻣﻦ ﮐﻠﺸﯽ ﺧﺎﯾﻒ
ﻋﺎﻳﺶ ﺍوخانگته ﮐﻠﻤﻪ
ﺍﻣﺤﺮﻣﻪ
ﺍﺑﺸﺮﻉ ﺍﻟﻄﻮﺍﯾﻒ
ای
آﻩ ﯾﺎ ﻛﻠﻤﺔ ﺍﺣﺒﻚ
ﺻﻮﻓﺮﺕ ﻭﺟﻪ ﺍﻟﺸﻔﺎﻳﻒ
یمته نحچیهه ال بعضنه
الناس های اشمالهه
لیش کتموها ابگلبنه
اولیش ﯾﻨﮕﺺ اﻟﺴﺎﻥ ﺍﻟﮕﺎﻟﻬﻪ
…..
ﯾﺎﺣﺮﯾﻤﻪ
ﺍﻟﻨﺎﺱ ﮐﻔﺮﺕ ﺑﻞ ﻣﺤﺒﻪ
ﺍﻭﮐﻞ ﺳﻮﺍﻟﯿﻒ ﺍﻟﻌﺸﮓ
ﺻﺎﺭﺕ ﺟﺮﯾﻤﻪ

.ﺍﻟﻤﻮﻋﺪ ﺍﻟﯿﺠﻤﻊ ﺣﺒﯿﺒﯿﻦ
ﺃﺏ ﺩﺭﺏ
ﯾﻨﻌﺪ ﺟﺮﯾﻤﻪ ؟
ﺍﺷﻠﻮﻥ ﺍﻭﺍﻓﻖ ﻟﻠﯿﮕﻮﻝ
ﺍﻟﻌﺎﺷﮓ ﺍﻝ ﯾﻈﻔﺮ ﺯﻟﻒ
ﻣﻦ ﺍﻟﺤﺒﯿﺐ
ﻫﺎﺫﻩ ﻻﺑﺪﻩ ﻭﺃﻥ ﯾﺪﻓﻊ ﻏﺮﯾﻤﻪ
اوهوا یملک بس عمر
ساوا ابثمنهه

ﺍﺭﺩ ﺍﺧﺎﻃﺐ ﮔﻞ ﻋﻘﻮﻝ
ﺍﻟﺠﺎﻫﻠﯿﻪ
ﺍﻭﺭﺩﮔﻠﻬﻢ
ﺧﻠﻮ ﮐﻞ ﻧﺎﺱ ﺍﺑﺰﻣﻨﻬﻪ

ﺗﻔﻬﻢ ﻭﺗﺪﺭﮐﻬﻪ ﺯﯾﻦ
ﻫﯿﻪ ﻣﻮ ﺳﻠﻌﻪ ﺍﻭﺗﺒﺎﻉ
ﺍﻟﻤﺸﺎﻋﺮ ﻏﺎﻟﯿﻪ ﺍﻭﻣﻮ ﻟﺘﺠﺎﺭﻩ

ﺍﺷﮕﺪ ﺍﺣﺒﻦ ﻧﺎﺳﻨﻪ
ﺍﺗﮑﻮﻥ ﻋﺸﮓ
ﻟﻠﻪ ﺍﺑﻄﻬﺎﺭﻩ

ﺣﺘﻪ ﻻ ﯾﻠﻬﯽ ﺍﻟﺤﺒﯿﺐ
ﺍﻋﻠﻪ ﺍﻟﺤﺒﯿﺐ
ﺍﻟﻠﻪ ﮔﺎﯾﻠﻬﻪ ﺍﻭ ﻓﮑﺮﺗﻪ
ﻻﺗﻘﯿﻤﻮﻥ ﺍﻟﻌﺸﮓ ﻭﺍﻧﺘﻢ ﺳﮑﺎﺭﻩ

ودلیل ؟

الدلیل المؤمن العاشگ تشوفه امن الصلاه
مایحب ایفوته موعد
لهفه لهفه
اوینتظر صوت الاذان
حته لحظه ایخاطب الله
ویشکر النعمه ویغازل
رحمته وي کل قنوت

ﺑﻘﻠﻢ ﺍﺑﻮﺷﺠﺎﻉ ﺍﻟﻄﺮﻓﯽ

اضف رد

لن يتم نشر البريد الإلكتروني . الحقول المطلوبة مشار لها بـ *

*

*