أنا مثقف الأهواز
الرئيسية » القسم الأدبي » الشعر الشعبي » ابوذيات/الشاعر مرتضي النيسي

ابوذيات/الشاعر مرتضي النيسي

اخاطر دوم لجلک ماتخاطر
الی وطیبه اعله بالک ماتخاطر
اکتلت چلب الیعضک مات خاطر…
..عذر لایمنع ابوصلک علیه

شتانی شصبراخلافک شوارع
ولهیب افراگک ابگلبی شوارع
صحبتک بینت صحبت شوارع
خنتنی وشحت اوصالک علیه

اشجنیت وحتی محبوبی تهمنی
ابرده وگال العده اکثر تهمنی
لمت عگلی ابجفه الجافی تهمنی
ابصحاری ونوگ صبری اگطعت بیه

احبابی الی علی الشین بدوه
جفونی واگطعوا والطیب بدوه
شجاهم مای حبنه ابعجل بدوه
اظن غشهم سراب اللمع میه

ابجدر صبری دلیلی الهم حمیته
احبابی وطایح المنهم حمیه
الرجل دایم تظل ناسه حمیته
وانا ناسی اگطعت ماصول بیه

یلاهی خاطی ابحگمن ویهمن؟
اجدامی الطیبهم یسعن ویهمن
دلیلی الکل جمر موژر ویه من..
..جفاهم یل لظاهم فتک بیه

احبابی مغزل الفرگه دروبی
جفه وعگلی یخل منهم دروبی
ابجفاهم اصبحت ظلمه دروبی
عمیت وگام صبری ایگود بیه

ابوی ایگول چان ایگول یداک
خلهه ابکرم تشطر دوم یداک
اذامره صدیج ابطیب یداک
تدیله ابطیب حدشرف المنیه

شصبرخاطری علراح شتناه
جفه وطشرشملنه ورادشتناه
نکرملحه الاکل من لحم شتناه
گبل لایغسل ایده عمل سیه

خسرکلمن سحگ عل عدل جدما..
مشه ومن السراب ایریدجدما
الفخرللی عگل مانگل جدما
شهرسیفه وتحزم للخویه

الدهرچتف چثیره احیودولطم
وقسم منهم صفو للدفن ولطم
اظل ابچی ودگن حیل ولطم
علئ الغبران کثرو بلثنیه

الامس ماچان الک لاصوت لاحس
وبچف کل کریم ابطمع لاحس
هسه اشکبرک عل خلگ لاحس..
بالک ملک ونته امنل رعیه!

احبابی من اجو خبروک بلی….
جره وحملی وگع من فوگ بلی
حیات من هموم اجفاک بل لی
اگضی الیل والونه خفیه

الحاذق وصفالی اشفاک للمای
شفه ویاولفی ضیف الماک للمای
اجیتک لهفت العطشان للمای
ولعد بابک سرابک گاد بیه

الشاعر مرتضي النيسي

اضف رد

لن يتم نشر البريد الإلكتروني . الحقول المطلوبة مشار لها بـ *

*

*