أنا مثقف الأهواز
الرئيسية » القسم الأدبي » الشعر الشعبي » علياء/نيل التميمية

علياء/نيل التميمية

أرید أشلع إرموشي الرمش ما بي خیر..
مایشگف دمعتي اگبال شماتي…

أنا ادموعي امّنتهه ابصرة الآلآم..
لیام الفرح ضمّیت دمعاتي…

و أرید أشمر النای الما یضم أسرار..
الو شلته اعله شفتي اتطيح وناتي…


العبره التنکسر کون أحط بیهه إحمام..
أنا ابنیه لچنهن زلم عبراتي…

و أنا السهمي المکابر والعلا و التاج..
التنازل و التخاذل مهن مالاتي…

و أنا الیبت السنین امکارب اویه العوز..
او من جدر القناعه امدبره عشياتي…

کلیت ابلحم زندي او ما شکیت الحال..
انطوني اشلون اگولن ماهي ابذاتي…

ابشحیح الریح اظن یفزعلي اسرافیل..
ابفرد نفخه او ترف لنصر رایاتي…

گلبي اتگول حته و الظلوع الزور..
العدو گبل الصدیق ایعرف شمراتي…

یشیطان الشعر شنهي الضعف والخوف…
أنا أردم بل حرب وآخذهه چلماتي…

اوگفت نخلة فخر والگطف صوبي احیار..
علیه تنزل فشگ بلگصه رطباتي…

جبل وگّفت صبري ابحد ثنیة السوس..
او غضب شط العرب من زود رویاتي…

ظهري او یرق شعري الحیل ینخه الحیل..
چا فنهه الخناجر تییي الطعناتي…

احروره امن الگلب حطّیت بل بارود..

او هوس خاف تبرد یوم چیلاتي…

وحگ خالي اسبیتي او ذوق ابن سکران..
اشم ریحة مجد بفیای نخلاتي…

او یرجعني الحنین العلیا بت سلمان..
وآخذ من شیمهه الشیم وگفاتي…

البنات اتمکیجن حطن اشکال الوان
وآنه التعب آثاره اعلا وجناتي…

امنشیلن قلم حمره اگبال المرایات..
یطلع سیف بیهن کفو امرایاتي…

🖋ك:نيل التميمية

اضف رد

لن يتم نشر البريد الإلكتروني . الحقول المطلوبة مشار لها بـ *

*

*