أنا مثقف الأهواز
الرئيسية » القسم الأدبي » الشعر الشعبي » قصيدة بوسات الشبل/ باسم الشموسي

قصيدة بوسات الشبل/ باسم الشموسي

الگاع من شالوك خفت مدري لیش؟
الفیه بل دیوان وسعت بویه گلي اترسهه بیش؟
چنت للگاصد هله وملگه ومگام
وللفقیر ارغیف عیش

چنت من گد ماعفیف
چلمة الدونیة لو مرت اب أذنك تغتسل
وبشتك ابگد ما ستر لمکحلات
الهسه من یبچي علیك ایکت کحل
مره گتلک بویه لیش اچفوف ادیك امطررات؟؟؟؟
وگتلي عشگ الگاع یبني
وذني ال آثار بوسات الشبل
انت گدما مخلص الگاعك یبوي
الگاع أحسن عیدت بجنازتك
بویه ثاري الشوگ عازه،،،
وانه احس ابعازتك
بویه من اشتاگ امدن طولي وي دشداشتك
بویه حد هسه امن اسولف
اتخیلك یمي
واگولن:احچي من رخصة ابوي
لنك اول مدرسه الگلتلي بنت الجار اخیتك
ویعني چنة الجار حسبة مرت اخوي

ومنته شاعر صح لچن حیرني بیك
حچیك الموزون یشبه بیت هات
اتأکدت لمن گلت یوم الوداع:
(یبني في خلیك لمك والبنات)
گطعتهه اعله الوزن طلعتلي تام
فاعلاتن فاعلاتن فاعلات

باسم الشموسی

اضف رد

لن يتم نشر البريد الإلكتروني . الحقول المطلوبة مشار لها بـ *

*

*