أنا مثقف الأهواز
الرئيسية » القسم الأدبي » الشعر الشعبي » الولّف المغصوب/شهاب ابومیثم البلاوّي

الولّف المغصوب/شهاب ابومیثم البلاوّي

ادور واسطه حته اشتری بفلوس
ضاگت بیّـه دنیه و مـاکو مـلفه.

حاضر عندی کلشی اچفن والتابوت
اوکثره امن الشماته العینهم صلفه.

بس عایز عرف یترجی ملک الموت
یستـاذن امن الله ویـنزل ابلهفـه.

ویاخذ منی روحی نذرلجل الگاع
و اتوسد گلبهه وروحهه الترفـه.

موصبری هَرمْ وتعده تسع اعهود
شیب بامل فرحه اتغییر ابسلفـه.

اناابراسی ولف ترخصله حته الروح
ینام اشلـون عاشگ منغـصب ولـفه.

من غم العمر لوخلص ذله وعار
ومن غم الیعش ابذل المچتفه.

تراالعاشگ صدگ برکانه حامی ایثور
و طبـع عـد المفـارگ یکـره الزفـه.

والبگلبه وطن یتحدی حبل الموت
مـادنگ الهـامه ولبـد بلکلفـه.

وابو طبع الغبرلا تظن منه الخیر
مایطلـع ابضیجت حتـه المخلـفه.

والمشورب چذب بس بلنفاه ایول
الف مثله فهیمـه تسوا وتشرفـه.

اناحیدر علی متحزم ابفاروق
ماتانی الفرج وتمصلح الچفه.

امد روحی جسر جدام الیعبرون
بس کـون ابصـدگ لثار متحلفه

ساکت ما اضلن لون راسی ایطیر
وسیف السانی باشط ذابح الشفه

وکعبه الوطن عندی وانا ابراهیم
واسماعیل نذری ابساعت الکلفه

وقلم عندی حشاه من چلمت الموخوش
ومـچبش عـدل ما یـعـرف الزلفـه

بس وی الیضد گومی واصول الدین
ماکـعن اعنانه و مـرخصه ایکسفه

✍?شهــــاب ابـومـــیثم البلاوّي

اضف رد

لن يتم نشر البريد الإلكتروني . الحقول المطلوبة مشار لها بـ *

*

*