أنا مثقف الأهواز
الرئيسية » القسم الأدبي » الشعر الشعبي » خصر خدران/الشاعر باسم الشموسی

خصر خدران/الشاعر باسم الشموسی

ابطولچ ایلحن النده وچم دلمه ابخدچ تغنی

وخصرچ الخدران یهمس فدوه بحجولچ درنی

ابدوستچ عل گاع تکی او تین خضر…

والصبخ فرع شفلح ..
یابعد ذنی او هذنی

اسوالفچ،
طشرن شوگی اعله الحراثی…
مای، شیلمه اعله بختچ؟

عمری هبت ریح وایلاعب گذلتچ

الیل ابد مو لیل لو ما ملطخ اخدوده ابکحلتچ

عینی تاهت بیچ یمرایة عرس والرمش هلهل

الصفنه تاخذنی اعله متنچ شامه والنفنوف یخجل

چفی یمسح مستحاتچ سنبله وگاصدهه منجل

مشتهی اذنب بیچ وانه اسنین تایب

نازل اعله اردانچ آیه…

و ارد اعینچ ثامنه اتقود العجایب

و ارد افرعلچ او شوفی ابروحی چم شیطان یظفرلچ گصایب

باسم الشموسی

اضف رد

لن يتم نشر البريد الإلكتروني . الحقول المطلوبة مشار لها بـ *

*

*