أنا مثقف الأهواز
الرئيسية » القسم الأدبي » قصیدة أنا اهوازی/الشاعر یونس الصرخی

قصیدة أنا اهوازی/الشاعر یونس الصرخی

انه اهوازی وثقلی امحودب التاریخ

امنشیل احروف اسمی الکون کله ایخل

انه الجبت الحضاره وطلع وجه الگاع

انه وی التطور عشت گد وحل

سبعة الاف عمری وصح حنانی الظیم

بس،طبع السیوف التنحنی،تکتل

انه کلنی ادب وترخص من الگاع

خاف اسحگ علیهه وخاف ماتحمل

ابو النواس انه و وزن ابومعتوق
ابن سکیت انه و قافیة دعبل
انه الرادع الزندیین و الاتراک

وانه الخضت الملاحم وبوطوگ ایدل

وانه المتحدی بابل وانه چف سلمان
وشوف القادسیه و خیل من یصهل ؟

من اطبن للمعارک چنی اطب حچای
لان بثنینهن یمی الرگب تنزل
انه الماحفت ابدا وکت ذاک العوز
ماهمنی الحرام الهمنی عیب اختل
انه خلگی امنفرشه اتطیح حدره افصول
ولو اعاند الدنیه ابکل خلگهه اتمل
ملک وثلم نفس للمختنگ و اطی
انه الربانی محسن چیف ما اعدل

انه اول محارب طوعانی الجیش
ببوشهرن بخمسین مقاتل طل

علیه،اختی امنرد اتگول ها ردیت
وترس ذانی امنطیحن صوتهه ایهلهل

اهبط راسی وذبح لو لفانی الضیف
اهبط راسه وذبح لو عدو یجبل

انه چلمة هله الینظرلی بلمگلوب
یجد معنای بیه وعیب متبدل

وانه الدارس کرم بمضیف خزعل هیچ
اذبح غیض گلبی ابوجه عذر الخل

للشاعر یونس الصرخی

اضف رد

لن يتم نشر البريد الإلكتروني . الحقول المطلوبة مشار لها بـ *

*

*