أنا مثقف الأهواز
الرئيسية » القسم الأدبي » الشعر الشعبي » چنه ازغار/الشاعر احمد بنی سعید

چنه ازغار/الشاعر احمد بنی سعید

چنه ازغار

بکتار الدرب عل نهر کود اسرار

چنه ازغار

نسبح للعصاری چنه کلنه احرار

نحوی الطیب چنه و یضحک الگنطار

من فرحة نخلنه أمعطرا أﻷزهار

چنه ازغار

نفزع لل نخانه ابليل گبل انهار

نشمر کل غضاضه ال بین أهلنه أشمار

لابينه دغش لاطمع لا اضرار

لا چانت تشاؤم لا حقد لا عار

ما همنه الگلت والگال بینه اشصار

ما چان اﻷخو عل أخو يطلب ثار

چنه ازغار

نفرح من یجینه لو یمر خطار

من کثر ال هله یسمعنه سابع جار

من العیله نحسبه لو یمر عل دار

چنه ازغار
تشیل احمول اهلنه لل حمل لو دار

ابشعر چواک تحچی وتهتف اﻷشعار
ايد ابأيد چانت ابد ماتحتار

صرنه اکبارمن بلدالبلد طشار

لچن ابعین ابونه احنه کلنا ازغار

وچب عوچیته بیده و نخا ابحامی الجار

بعد ینخا ابنبینا المصطفی المختار

نعم اهوا الوطن ایصلی عل اخیار

ما غمظن عیونا گلبه یلهب نار

چنه ازغار

ک.احمد بنی سعید

تعليق واحد

  1. توفيق عبدالرضا

    احسنت أستاذنا البارع و الفاضل شعر جميل و يذكرنا بأيام الطيبات و جيل الطيبين جزاك الله خيرا و ليتنا نرجع و نلتم و نتخلص من الطشار!!

اضف رد

لن يتم نشر البريد الإلكتروني . الحقول المطلوبة مشار لها بـ *

*

*