أنا مثقف الأهواز
الرئيسية » القسم الأدبي » الشعر الشعبي » حلم طاووس/شهاب ابو ميثم البلاوى

حلم طاووس/شهاب ابو ميثم البلاوى

یاسیدالاناقه الدوم احلم بیک
مثلک عیب یوجود حته عد الروس

حوری العین اشوفک مره تشبه ریم
و مره احلم اشوفک تشبه الطاووس

نهاری ابشوق وصالک گمت افصل بیه
والگاک ابمنامی امخیط و ملبووس

اوصفک لو ردت احتار بلتوصیف
ابجامعة الجمال احتاج اعدی ادرووس

طولک هندسی امخطط مناره اتگول
ولحن صوتک اذان ایهز حضارة سووس

یشع وجهک ضیاء ابکبریاء ممشاک
هذا اول الدلیل التنحنیلک رووس

موسبعه العجایب بیک وحده اتزود
مغناطیس وجهک یشفی المخلووس

شعرک لیل هندس بیه نجوم اتضیع
ورنت حجل رجلک تشبه الناقووس

من تمشی الارض تترحم الموتاک
ورد یزهی ابمکان اجدمک امن ادووس

وکل وصفک حلو ماشوف لوله اویاک
من جدمک الراسک بس حسن مترووس

وصفتک واخاف امن الحسد والعین
ناخی الله یحفظک کون الی اومحرووس

ماطول علیک وبعد عندی اویاک
چلمه ابخاطری وبگلبی مده اتحووس

جربتک واعرفک عیب ترضا ادناک
وانه شبه گمت للی ابلهاته المووس

راح ارسل الک بوسه اویریح الهاب
لاتبخل علیه وخلهه بیک اتبووس

شهاب البلاوی

اضف رد

لن يتم نشر البريد الإلكتروني . الحقول المطلوبة مشار لها بـ *

*

*