أنا مثقف الأهواز
الرئيسية » القسم الأدبي » الشعر الشعبي » ابوذیات/عادل حمادی

ابوذیات/عادل حمادی

بـچیـت و للـجلاده اردان !! مشحوف
لدمعتي و طر گطعـت البید مشحوف
الدمع هور و هوى العذبات مشحوف
رکـس !!.. بـأول مهـب جفـيـان بـیه
***
چلـچ ودي بمرفه الشوگ راسي
او یـاخذني و یرد للـطیب راسي
النهب گلبي امس و الیوم راسي
یـریده !!.. بـاچر اشیطلب عـلیه
***
افـتنه بـروج شـطك وشربلماي
او سن منجل طعنتك وشربلماي
تره آنه اقتات للون.. وشربلماي
او محمد !! للـبچي بمجفاك الیه
***
اهـنا.. یالغـیـرك بـدنـیاي ماشي
شغلني و سمسم بکل حال ماشي
اشلون اوگـف و ارد للبیت ماشي
بطـورك خـرت ابـن عـمـران بـیه
***
طحت من يـوم صوتك صاح ماشي
و لا نشـف غـزيـر الدمـع ماشي
عـدا منـوة وصـالك !! بعد ماشي
طغی و غطی امنیات الطیش الیه
***
کـحود الهـم علي رسحان ماحاد
علی صیده و للذبح سچین ماحاد
دعاین.. غیر حزن جفاك !! ماحاد
علـي مـر و نشـد یا حـال الـیه
***
کـحود الهـم علي سرحان ماحاد
علی صیده و للذبح سچین ماحاد
دعاین.. غیر حزن جفاك !! ماحاد
علـي مـر و نشـد یا حـال الـیه
***
لوت چفـي على عصـاتي لولهه
او ترد كلما گضت قصتي لولهه
حرگـتي بـیوم وادعـتك.. لولهه
سنه و دخان !! چا غطی الـثریه
***
عـليه لچیت گلبـي.. ماله چاره
او حرام انچان عگلي ماله چاره
الیجن، غیر التقـید !! ماله چاره
و انا مـن قیـود وده جنـون بیه
***
تطـيب جـروح گلبـي من تزرهه
بوصل و تعين روحي من تزرهه
صـلاة الله على عينك من تزرهه
اموت !! و احیا مـن تعطف علیه
***
علی المادون ما اسولف ولفشل
خفي و بثوبي الف رگعه ولفشل
الفاشل بالـحچي يسبگك ولفشل
الیصدگ حچایـته !! و یـاخذ عـلیه
***
مثل شمعه بليالي السود واييت
لهم روحي و علي باخلاص واييت
حلفت بكل حـروف القسم واييت
المـوده.. اهـواكم و جارو عـليه

***

لـ عـادل الحمـادي

اضف رد

لن يتم نشر البريد الإلكتروني . الحقول المطلوبة مشار لها بـ *

*

*