أنا مثقف الأهواز
خانه » القسم الأدبي » الشعر الشعبي » شامخ جبل/ابو أمجد الحیدری

شامخ جبل/ابو أمجد الحیدری

أظل شامخ جبل مادوخ بلصدمات

ولا ردم العواصف يگدر افرازي

واظل كلمة صدق و إبجبهة التاريخ…

رغماً عليضد و إلساند إلغازي

صدگـ بيه الجروح ؛ إجروح فوگـ إجروح

بس وكت إلزماط إجروحي عكازي

أتوچه عليهن من يصير إزماط

وأشگــ حلگــ الزمان و أكسب إنجازي

واحط راسي اويه ملك الموت راس ابراس

متوازي يگلي وگلت متوازي

انا طبع إعربي كُلّي شهامه و جود

و صاحب كبرياء و شيمتي اهوازي

انا بازي القلم والساحه غابة طير

و يعين الله الطيور إمن أرد أهد بازي

و انا إبوجه الخصم بركان من ايثور

بس جوري أنگلب وي لمسة إعزازي

وجنّازي جزع گد مانطرلي الموت

دفن روحه ابحقدهه ومات جنازي

ماموتن لأن گلب الشعب وياي

وأظل صورة مجد و الناس بروازي

كلمات الشاعر الأهوازي
?ابوامجد الحيدري?

جوابی بنویسید

ایمیل شما نشر نخواهد شدخانه های ضروری نشانه گذاری شده است. *

*

*