هلال الموت/مریم عبیات

img

هلال الموت
کلمات : مریم عبیات

____________


تحّلمت ابجرح ینزف شرایین
گلب مهموم شگگ زیجه الأفراگ
الم ینزف درب مابي عناوین
یدوّر عل مشه و من عمده ینباگ
هذاک العدمته أوهام القوانین
هذاک الهجره مّر و چود ینضاگ
جرح ماشي ابعلم صوب الدواوین
يعلم بالمهد یکتب‌ علی الراگ
علی اچفوف الفگر نامت نساوین
علی ساتر ولا یوصل له تفّاگ
تسرح غاد روحي انشدهه ها وین؟
تگلّي الوطن چذبه ایرید ملّاگ
فرهدنه الیقّدس بالسلاطین
ورانه العطش جایب ساگه بالساگ
چفن فلّاح متوسدة البساتین
وطن مهموم چن اسلال مسواگ
ترجع خالیه بید المساکین
مشه جیل الوعي الچان النه مصداگ
الچانو للعلم حجّة و براهین
عَلَم خلّو قلم للضاد خفّاگ
ابتاریخ المجد ترکو نیاشین
وسط بحر العلم غاصو بالاغماگ
ماخافو تحدّوها الحیاتین
فزّیت و عرج للظلمه نتّاگ
ما خلّه الشمس تتراوه بالعین
یموطن لیش وشمة عید ما داگ؟
هلال الموت راوتنه الزنازین

#الی ارواحهم السلام #

Author : أنا مثقف الأهواز

أنا مثقف الأهواز

RELATED POSTS

تعلیقک حول الموضوع

*

تطبيق الواتساب
1
تواصل معنا عبر تطبيق الواتساب
مرحباً
تواصل معنا عبر تطبيق الواتساب
او ارسل لنا رسالة عبر البريد الأكتروني التالي:
anamothaqaf@gmail.com