قصيدة ثوب القوافي/نادیه عاشوري

img

عنوان القصیده : ثوب القوافي

اشگد بخییت اشما سِمِل ثوب القوافي .. بخت متروس و یِشّور
چِن عبایِت شیخ تِنحط عَل ظِهر و مِن تِشیلِه امتونه تِتمرجح فخِر
یِل وطن یلبیک .. حِنیّیت گُبِب لجروح فُقرِه و یا ثِگِل مِروِد کِحل بعیون مِشتوله اعلِه طیف اعزاز غُربه
حیل طاریّه حلو .. امنِ اِیجیس روح ابنادم .. امنِ ایجیس گلبه
الجرحه یِثگل .. مِن یجیِه الیل ، یِتحّول شعر یصبح قصیده
اِبخانِت الابیات یِستِر ذکریاتِه و یِعزِل اجروحه ضِوه ..
و شِکو ورده اِتطِگ سوالف فوگ ایده
اشگد مقدِّس و الشعر عندي عزیز
مثِل ماي العین یِتلاگه ابجِفِن وادم شِریفِه
یا ثِگِلهِه اِوزانِه یِل رِزنِه و خفیفه ..
واهِس امنِ افیَاي اهلنه ..اِیوّرد ابیوت ابمِلوحَتهِه الصِریفه
یِصِح بِیت ، ایهِدهِه هَامات الجِبال و یِجبُر اشمکسوره عدنه امنِ الخواطر و یِصِح بیِت الحگ یِرِدّه و تشهِد اِدلال المضایِف و السِواتِر
انه قلمي شاب بس عندِه عِتاب
رغُم ؛ کِسرِ الواهس و رغُم السنین ..
لا تِلِّوث ضِوِه قلمِک حته تِرضِه الآخرین
الحِمِل یرتاح بِچتَاف التِعب بچفوف سِمرِه
ابمِعرکه و تحتاج بس موش السِلاح و هاک گِمره
الشِعِر ؛ طبعِ الاصیله و لو رِکِبهِه المو کفو حتماََ تِعَثرِه
حِط، خُلِگ کل بِیت قافیه و حچي
و لا علِه اللّی مِنحچي اِتضِل مِنتِچي
مِن یِلِمني الیل ساعه و تِنفِتح بیبَان الولایِه و اِسِیّر عَل خواطِر
مِن یموت الصُوت انِه اکتب شِعِر ..
الراد ؛ حُریّة و خضار و ماي .. اِنِصحِه خِلّی یِتنِفّس شِعِر
الشاعر امنِ ایموت یبچیلِه النجم و الریح یِتسودِن یِفِک شِبّاچ حِزنِه .. ابعِطِر حِسنِه الواعی و اِبمِمشاه اِثگِل
مِن یموت ابروحنِه الشاعر یعیش ..
دِلِو طِبعه مِن یطیح ابسِع یگوم .‌.
دِلِو طِبعه مِن یطیح ابسِع یِگوم

کلمات : نادیه عاشوري

Author : أنا مثقف الأهواز

أنا مثقف الأهواز

RELATED POSTS

تعلیقک حول الموضوع

*

تطبيق الواتساب
1
تواصل معنا عبر تطبيق الواتساب
مرحباً
تواصل معنا عبر تطبيق الواتساب
او ارسل لنا رسالة عبر البريد الأكتروني التالي:
anamothaqaf@gmail.com