قصيدة فحطانين/جيداء محمد

img

عنوان القصیده

(فحطانین)

_______________

یادمّ القصیده الماقبل یبرد
ویا شوگ الخیال ابلا جنح یصعد

یمدوخ المسافات بجدم تعبان
های اول محطّه و ما اجاك احد

علیمن هایروحی متانیه الحسبات
وجروح الظلام انجوم ماتنعد

بضلوع النهر ینباح سر الغیم
وانته بکل ضلع حطیت حل وشد

یل شایل بروحك طعن ماحسیت
الغزه فرحت یتیم اعلیه هم تشهد

چم دوب انتعثر ولضعیف ایموت
سجن یامه انسجن عصفورنه وغرد

ظل یتعب بصرنه وماگدرنه انشوف

ونار اگلوبنه کل یوم تتوگد

فحطانین عالملگه ودربنه ایجول
کل ما للسمه انطیر النجم ابعد

یاریت الشتل عاگول ماشم یاس
ولا لزارع تبن طگ بل هوا ورد

الموت اشما کثر یحله بعیون الناس
وسع بالحزن وبگبرك اتمدد

ابقي الناسك وصیر الدربهم نور
وصیر الکحل شوف عیونهم مرود

هندس لاتصیر الصعبه موش بهای
الصعبه الخلت المهموم یتوگد

(جیداء محمد )
2020

Author : أنا مثقف الأهواز

أنا مثقف الأهواز

RELATED POSTS

تعلیقک حول الموضوع

*

تطبيق الواتساب
1
تواصل معنا عبر تطبيق الواتساب
مرحباً
تواصل معنا عبر تطبيق الواتساب
او ارسل لنا رسالة عبر البريد الأكتروني التالي:
anamothaqaf@gmail.com