قصیدة: حضن الله/باسم الشموسي

img

نهر ضامی
وسماك اترابهه املطخ اخدود الریح
و نواطیرك ادیهه ابطول خلگ الیل،
وشتنطر؟؟
گصیبه ویاهو ال گام أشتهه یظفر.
یا اول وطن من وین ماحضنك
اثیابك بایده وتهزل


منابرهم توابیت الضحکتك
والعمامه انگاب
للحافوك ظهریه گبل لابیك لیل ایچل
اجیت اتمدد بطولك واگلك گوم،،
اگلك گوم…
ودتنی الشمس عازت صفار وطلبتك سنبل
بسموم امسومر التاریخ،
ودانی وطلب من سعف نخلك ظل
یکحله بعین کلمن هلهلت للموت ،
یا بو الکل.

عبره الخانگتك،،
حبل وامعلگین عجداته بمنایرهم
فهیت او طفن اعیونك مکاحلهم
بخیت او عمت برگبتك مناجلهم
یبو تراب الذهب
یمشبع الجوعان
گد خیرك یتامه بحضنك امبسطین
عبایه امطینه بسوگك.
شرت عزة شرفها وبسطت بربین
یبعد الیسون آهاتی
ویبعد امی ومحاچیهه
ویبعد احدیثة ال عرسك نذر نذرت تراچیهه
تراهی الروح غیر ال آاااخ و الیا ویل ما بیهه
انت اول وطن متچتف ابغربا
و ترا انت اول جرح و اعلاج
مارحموك…
من شافو نجمتك حرثه للثوار،
و بیك اسیوفهم گطعن چم حلاج
واحدهم نبی
وابداخله الحجاج
لاتهتم ی حضن الله
زیغوراتك اتضل قاط للتاریخ
وعسکر مکرمك صرخه ابوجه کل عار
گربت زفتك عایزهه بس شبیر
وچلاب الحویزاوی یهلهل ثار

باسم الشموسی

Author : أنا مثقف الأهواز

أنا مثقف الأهواز

RELATED POSTS

تعلیقک حول الموضوع

*

تطبيق الواتساب
1
تواصل معنا عبر تطبيق الواتساب
مرحباً
تواصل معنا عبر تطبيق الواتساب
او ارسل لنا رسالة عبر البريد الأكتروني التالي:
anamothaqaf@gmail.com